tuanzairel

Tuanzairel

Deilei arkhuang

Suimilam nih

Rung ka hlau than

Zaanmang chung in

Dawt thaisung he

Kutnem tlaih in

Dawtnak bianem

Phai ti lio ah……..

Zeitiawk tha

Dollar kawl ah

Chuncaw fun he

Pok rih ai ning

An chim US ram nuam ah cun….

Riaklaang 

 Cerlian  Vol (2)

Nonaal lio caan

"Nonaal lio Caan"

Zaan   mang  maw  si ?

Cang tu   si   ai

Kum  khua  nih  tthang

Taksa  thinlung

Chawl bang uai kaw

Thlanmual thawng nih

Zilthli te bang

Rung hrang hoi ai….

Khirh tthan kho ning

Ka khirh tthan hnga

No lio caan

Ngaknu ruun he

Ti nga hring dawi

Theihmung hrawn kha

Ka ngai hring hran ...

“……………………..”

 Cung Kong

8th,feb 2009 Cerlian Vol(1)

second vanram

"Second Van Ram"

US ram cu..

Khuahliti le , caw hnuk luan nak

Second van ram, a hluan ti in

Phai tawn hna maw, rual hawi hna nih...

Duh tling kho lo

Sui ngun chawva, hnangam  lomhnak

Thin lung rethei, tha bat bu in

Khua caan rel nak, second van ram...

Cuan tthan rih laang

Sunh sak khun mi, US ram cu

Lam tanttim i, khual tlawn nak hmun

Duh tlin lo nak, lei cung ram dawh

Second van ram, lawng si rih ee…

Mit thlam ka suai

Kan tum van sui, khua pi ahcun

Zai thiam vanmi, zai hla aw cu

Sifak rethei, phorh rit mi ca

Thil rit chawng tu , si te hna lai…

Cia Iang ( Van Van nu)

From Cerliancazual Vol (3)

Welcome

                       Welcome To Cerlian Media   

  

       Vawilei  cung miphun tampi hna cu nihin ahcun tuanbia cahmai lawngah hmuh khawh an si cang i an tlau dih cang. Mah a tlau cang mi miphun hna hi vawlei cung ralpi hna nih a rak hlohmi an si lo. Miphun dang phunkhat khat nih a rak dolhmi hna an si hna.  Kan nih Lai miphun zong hi nihin ahcun vawlei cung khuazakip ah kan phan cang hna. Kan umnak hmun cio ah kan Lai Nunphung hna hi  kan kilven cio hna lo ahcun hmai lei chan zeimawzat ahcun Lai miphun hi tuanbia cahmai lawngah hmuh khawh khi kan va si ve te ko hnga.

       “Cerlian” cazual nih  aa timh mi cu kan ca, holh, kan nunphung hna hi kan dirkamh hrim hrim a hau i kan tuah khawh mi thil hme te hin thawk in ttuan ko uh sih ti hi asi.  Kan tlamtlin lonak kha kan i bawm cio hna lai i hmai lei ah  cun Laica, Laiholh, Biahla le Lai nunphung caah Cerlian Ninu bang  a ceu tertu  si ve te hna uh sih ti  ruahchan nak nganpi he...

By.

Lyan Peter